Чăваш Енĕн хисеплĕ ҫыннисем!

Сире Чăваш Республикин Конституци кунĕ ячĕпе саламлатăп!

Шăп та лăп 25 ҫул каялла ҫак кун Чăваш Республикин Тĕп Саккунне йышăннă. Вăл пирĕн Раҫҫей тытăмĕнчи патшалăхлăхшăн ҫирĕп никĕс, кашни гражданинăн прависемпе ирĕклĕхĕн гаранчĕ пулса тăнă, регионăн аталану ҫулĕн йĕрне палăртнă. Республика Конституцийĕ пирĕн истори тата культура йăлисене, чăваш халăхĕн малалла каяс туртăмне тата халăхăмăра хисеплессине аван ҫутатать.

Паян та пирĕн халăх шăпишĕн пĕлтерĕшлĕ ҫак документ Чăваш Ен утăмăн-утăмăн аталанса пырассин шанчăклă никĕсĕ, кунта пурăнакан кашни ҫыншăн право тĕлĕшĕпе ҫул кăтартмăшĕ шутланса тăрать.

Конституци нормисемпе принципĕсем ҫине таянса эпир пурте пĕрле тăван Чăваш Ен пуласлăхне ҫул хыватпăр: экономикăна аталантаратпăр, социаллă тĕрĕслĕхе ҫирĕплететпĕр, ҫемьесене, ҫамрăксене тата мĕн пур професси ĕҫченĕсене пулăшса пыратпăр. Ку енĕпе Чăваш Республикин Патшалăх Канашĕн депутачĕсен планпа килĕшӳллĕн пулса пыракан ĕҫĕ питех те пĕлтерĕшлĕ. Республика парламенчĕ паянхи кунăн ҫивĕч ыйтăвĕсене тата самана кăларса тăратакан лару-тăрăва кура Тĕп Саккуна улшăнусем кĕртсех пырать.

Хаклă ентешсем! Конституци вăйĕ пире мал утăмсем тума, саккуна хисеплеме, хамăрăн тăван ҫĕршывшăн тăрăшма хавхалантарса пытăр. Пĕр пĕтĕм команда пулса, вăй-хала пĕрлештерсе эпир курăмлă кăтартусем патне ҫитме пултаратпăр. Уяв ячĕпе!