Чӑваш Ен яш-кӗрӗмӗ – хӑватлӑ вӑй, унӑн йышӗнче пур енӗпе те кӑ-сӑкланакан, пысӑк тӗллевсем палӑртакан тата вӗсене туллин пурнӑҫлама ӑнтӑлакан 300 пине яхӑн хастар чунлӑ каччӑпа хӗр.

Халӗ сирӗн пурнӑҫӑрта ытарайми тапхӑр – анлӑ майсемпе ҫӗнӗлӗхсен, ҫӗнӗ пулӑмсемпе ҫутӑ туйӑмсен вӑхӑчӗ. Правительство тӗллевӗ – вӗренӳре, профессипе пултарулӑхра тата общество ӗҫӗ-хӗлӗнче кашни ҫамрӑках хӑйне пур енлӗн уҫса пама пултармалли майсем йӗркелесси. Ҫамрӑксем Чӑваш Енре юлччӑр тата хӑйсен телейлӗ пулас ӗмӗт-шухӑшне тӑван енпе ҫыхӑнтарччӑр тесе эпир мӗн кирлине пурне те тӑватпӑр.